سالي خاد تكتب: لحظة وجع

مفيش حد فينا مجتش عليه لحظة وجع .. لحظة من بعدها كل حاجة اتغيرت و مبقتش 

زي الاول ..

لحظات الوجع شئ اساسي في الحياة محدش فينا مكنش مستني حد و مجاش مكنش 

متعود علي حد و سابوه مكنش متفوق و جت عليه لحظة فشل مكنش متعشم اوي و 

عشمه طلع علي مفيش مكنش بيحب حد بس النصيب و ده اكتر سبب وجع بالنسبة 

للناس كلها ..


هقول لكم حاجة صغيرة .. متتعشمش متتعودش عشان مفيش حاجة هتفضل للابد والله 

و مسير ناس تروح لو مش بأرادتهم يبقي غصب عنهم ..

كمان حاجة لو اتوجعت خلي وجعك مصدر قوة ليك لو فشلت شوف حاجة تانية و 

جرب مرة كمان مش هتخسر حاجة .. 


لو حبيت حد و سابك مش معني كده ان كل الناس وحشة معني كده ان ده الصح سيب 

الموضوع علي ربنا و لو قرب منك حد جديد ممكن يبقي هو ده اللي ربنا بعد اللي 

بتحبه عنك عشان ده اللي يناسبك فجرب و عيش من جديد عشان مفيش حاجة هتتغير 

لو قررت تعيش ضحية لقصة قديمة خلصت ..


قول للي راح مع السلامة و اللي جاي هنعيشة يعني هنعيشة و يا تبقي قوي و تكمل و 

تتعلم من اوجاعك يا تفضل ضعيف و عيش محبوس جوا ضعفك بس متزعلش بقي لما 

تلقي نفسك خسرت اللي فات و اللي جاي الدنيا مش بتوقف علي حاجة الدنيا ماشية و 

الذكي اللي ماشي معاها و يسبقها كمان و ميسبهاش تسرق منه اي لحظة ..


الماضي انتهي و الحاضر هنعيشة بروح جديدة و المستقبل مستنينه بقوة و عزيمة ..