سالي خالد تكتب: هسكت شوية عشان تعبت!
صاحبك اللي بقاله كام يوم ساكت .. تكلمه ميرودش عليك تبعتله رسالة فيشوفها و يسكت قبل ما تزعل منه فكر ايه اللي حصل له خلاه يسكت بالشكل ده ..
الشخص اللي اتعودت عليه دايما بيضحك و يهزر و قالب الدنيا كلها ضحك و فرفشة لما تيجي فتره تلقاه ساكت مبيضحكش مبيتكلمش قبل ما تقول عليه بقي نيكدي فكر ماله و ايه اللي غيره بالشكل ده ..
اللي دايما بيحب يتكلم معاك و دايما يسأل عليك و فجأة مبقاش بيتكلم قبل ما تقول عليه اتغير عليك شوفه ماله و ليه بقي كده ..
قبل ما ترسم سيناريو و تصدقه و تزعل من ناس شايف انهم اتغيروا سابوك معدوش مهتمين بيك لقوا غيرك و نيسيوك و كل الكلام ده لكن معلش فكر بس شوية ..
كلنا بيجلنا وقت بنتعب فيه من الدنيا بنبعد عن كل اللي حوالينا حتي اقرب الناس لينا مش بنقدر نصحي كل يوم نسأل علي كل الناس مش بنقدر نضحك و نهزر مش بنقدر نسمع ولا بنقدر نحكي ولا نضحك .. و في الوقت ده بالذات بنحتاج حد يفرحنا يهون علينا يشيل عنا الوجع و يدينا امل بنحتاج مفجأة حلوة بنحتاج من اللي بيحبونا انهم يصبروا علينا يمكن بنقول مش قادرين نتكلم بس من جوانا بنبقي عايزين اللي يقلب علينا الدنيا عشان يكلمنا اللي مهما عملنا ميزعلش مننا و ياخد علي خاطره اللي يقدر فترة التعب من كل حاجة ..
الحياة صعبه و كلنا جوانا اللي مكفينا راعوا بعض و حسوا ببعض بلاش تدي لنفسك الحق انك تحكم علي حد من الظاهر اسمعه و حس بيه و متنساش انك هيجيلك يوم و تبقي في مكانه و محتاجه .. و متنساش ان جوا كل واحد تعرفه واحد تاني متعرفوش ان جوا كل واحد هم كبير ساكت و مخبيه جواه .. متحكمش علي حد من الظاهر انت مش عارف جوا القلوب في ايه راعوا بعض ..
سالي خالد تكتب: هسكت شوية عشان تعبت!
Reviewed by Unknown
on
9:56 ص
Rating:
Reviewed by Unknown
on
9:56 ص
Rating:
%2B(1).jpg "ندى البرادعي تكتب: هدعيلك يارب!")
ليست هناك تعليقات: