سالي خالد تكتب: شايفها حلوة ... خليك بعيد!

ربما قد يضع لنا القدر اشياء لا نعرف قيمتها الا فيما بعد .."محمد فؤاد عيسي "

مقولة قريتها و وقفت عندها هو فعلا الانسان مبيعرفش قيمة الحاجة اللي معاه و لما 

بيعرفها بيعرفها لما بتروح اولما بيجي الوقت اللي بيحتجها فيه و مش بيلقاها ؟؟

وليه دايما الواحد مش عاجبة اللي معاه و عايز اللي في ايد غيره وليه مفيش حد بيحس 

انه محظوظ بحاجات كتير يمتلكها مش مع غيره ؟؟

وليه محدش عايز يفهم انه محظوظ بطريقة معينه غيراي حد تاني  ؟؟ 

بس ..مفيش حد مننا محروم مفيش حد مننا ربنا واخد منه كل حاجة مفيش حد محظوظ 

و حد منحوس مفيش حد مظلوم كلنا عندنا حاجات مش عند غيرنا انت مش شايفها 

لانك 

مش عايز تشوفها لانك متعود علي وجودها .. كلنا حلو في عينا اللي مش عندنا لانه 

مش لينا لاكن عارف لو ملكته هيحصل ايه ؟؟ هتهمله زي ما اهملت اللي قبله و هتدور 

علي حاجة تانية مش معاك ..


طبع البني ادم انه عايز اللي في ايد غيره دايما و ده فينا كلنا من يوم ما اتخلقنا .. 

بس نصيحة .. بطل تبص للناس و اللي عندها و بص لنفسك شوية شوف عندك ايه 

اهتم 

بالناس اللي في حياتك قدرهم قبل ما يروحوا منك شوف النعم اللي عندك اللي منها 

صحتك اللي مفيش نعمة في الكون اهم من وجودها شوف انت عايز اية و حاول 

توصله 

نمي نفسك دور علي هواية نميها اكيد عندك موهبة مش عند غيرك .. 

قدر نفسك و اللي معاك قدر النعم اللي حوليك قبل ما يجي اليوم اللي تروح فيه و لما 

هتروح مش هتعرف ترجعها تاني و مش هيفيد الندم ..

كل واحد محظوظ في حاجة دور علي الحاجة دي و سيبك من اللي عند غيرك