ندى البرادعي تكتب: مكتئبه مع إيقاف التنفيذ

بتضحكي اللي حواليكي، بتخافي عليهم من الزعل، بتترعبي إنك تعيطي قدامهم بس بتواسيهم لما هما يعيطوا، مش بتسبيهم غير لما يحكولك مالهم، في ناس شايفه حياتك جميلة ومعندكيش مشاكل؟؟

انتي عايزة تصرخي صح، عايزة تقولي انا معاكوا هنا، بس انا جوه لوحدي، خايفه شعور الوحده يفضل موجود.

تمام يبق هتفهميني لإنك "مكتئبه مع إيقاف التنفيذ"، انتي مقرره حزنك يبق ليكي لوحدك، جربتي تحكي اتقالك معلش صح، محسوش بيكي ... طب اتريقوا عليكي، ولا حبيتي ومفهمكيش ومقدركيش، ولا عايشه وسط اهلك ولسه لوحدك، ولا بتعافري في حلمك والناس مصره تهدك، ولا ولا ولا .............

سؤالك ديماً هو أنا ممنوع عليا أقول انا متضايقه، ممنوع أزعل ممنوع حد يفهمني، بتكرهي إن حد يقرب منك بزيادة صح؟

طب إي النهاية، النهاية آه طنشيهم هما مش فاهمينك خليهم فكرينك فرحانة، ألبسي أحلى ما عندك لنفسك، أوعوا يشوفوكي ضعيفة، عشان دول حولوها لغابة، طب انتي مولودة في زمن مش زمنك صح؟

إنك تبقي لوحدك أحسن ماتبقي وسط ناس عايزين يغيروكي، يشيلوا البصمة اللي ربنا زرعها فيكي، سيبك منهم انتي احسن، اتجرحتي ولسه هتتجرحي، بس عافري ورا حلمك، متضيعيهوش من إيدك!