سالي خالد تكتب: "pause" للحظة الحلوة
كلنا بتمر علينا لحظات بنتمني لو تفضل طول العمر متنتهيش .. كلنا بنتمني لو نقدر نوقف الزمن عن لحظات السعادة اللي بنمر بيها في حياتنا و نفضل عيشنها متخلصش ابدا لان اللحظات الحلوة تساوي العمر بحاله ..
لما بتخلص بنزعل انها خلصت بنتمنى لو نقدر نرجع الزمن مرة و اتنين و الف عشان نفضل نعيشها نعيشها و نعيشها و نحس بنفس الاحساس نضحك نفس الضحكة نتلخبط في الكلام من الخضة يدق قلبنا نفس الدقة نفرح نفس الفرحة ..
لكن .. اي لحظة حلوة مسيرها في يوم تخلص و لما بتخلص كلنا بنزعل لكن فكر ..
مفيش حاجة بتخلص سواء حلوة او وحشة الا عشان في غيرها هيجي .. هيجي بضحكة جديدة باحساس جديد هيجي بمعانيه بتاعته هو و بس مختلف عن كل اللي سبقوه و كل اللي هيجي بعده و ساعتها هتعرف ليه اللي قبله خلص و عدى ..
الزمن مبيوقفش عند اي لحظة كنا فيها مبسوطين لكن بيدور .. بيدور عشان يلف بينا و يوصلنا للحظة جديدة هنكون فيها مبسوطين اكتر بكتير ..
عيشوا كل لحظة بمعنيها لوحدها عشان دول هما اجمل ذكريتنا مع مرور الوقت كل لحظة من دول قادرة تسعدك بطريقتها كل ما يجيلك وقت و تفتكرها ..
ربنا يسعد قلوبنا ..
سالي خالد تكتب: "pause" للحظة الحلوة
Reviewed by Unknown
on
11:43 ص
Rating:
Reviewed by Unknown
on
11:43 ص
Rating:
%2B(1).jpg "ندى البرادعي تكتب: هدعيلك يارب!")
ليست هناك تعليقات: