ندى البرادعي تكتب: شوية وهتتعود "هتنح"

الإنسان بيمر في حياته مواقف كتير، بس اللي بتعلم أوي هى اللي بيسموها قدر، بيتأزم 
منها أوي سواء هى حلوة أو وحشة، الحلو بيتضايق إنه عدى ومش هيرجع تاني، 
والوحش عشان علم جواه بجرح لو أستنى أد إيه، وكدب وقال أنه نسيه هو لسه معلم، 
بس خفاه برطوش وحبة بودرة.

دا تصرف الإنسان السوي، بس خلينا صرحه مرة واحدة بس، محدش مننا بقى سوي –
خالص- كل واحد بيعمل تصرف بيندم بعدها أنه عمله وفجأة يلاقيه أتكرر لحد ما يتنح، 
آه يتنح خلاص هو أتعود ومبقاش بيحس وبقى عنده كمية لا مبالاة مش تمثيل.

زي مـ الإنسان الحساس بطريقة زايدة مش سوي، اللي تنح دا مش سوي أو بمعنى 
أصح مش عايش!!

عنده إستعداد يخسر أي حد في أي وقت، بيفتكر الذكريات، بس برضه وهو متنح مبقاش 
عنده أي مشاعر عشان يطلعها.

احكوا وفضفضوا، متتنحوش ابداً متمتوش كفاية إنكوا من جوا عجزتوا وأنتو لسه شباب.

ربنا مايكتب علينا نتنح ابداً.