سالي خالد تكتب: ربنا بيطبطب عليك

انت عارف لما تبقي قاعد و دماغك عماله تودي و تجيب، فتلقي حد بيتكلم جنبك تركز 

معاه فتلقي كلامه في اجابة علي اللي شغلك.

تفتح المصحف فتلقي اية بترد عليك، تليفونك يرن فتلقى صاحبك بيكلمك يحكيلك علي 

موقف مر بيه فتلقي كلامه كله مليان اجابات علي اسئلتك ..

عارف لما تبقى حزين علي حاجة نفسك فيها بس مش عارف توصلها، على حاجة 

راحت منك و مكنتش تتوقع تروح، علي طموح منتاش عارف تحققه علي فلوسك 

القليلة اللي متقدرش تجيب اللي نفسك فيه، علي حياتك اللي مفيهاش جديد علي فترة 

انتظار طالت و عمر بينسرق، فتفتح الفيسبوك تلقي واحد من اصحابك كاتب كلام فيه 

رد عليك، تفتح الجرنال تلقي بلاوي فتحس اد ايه حالك احسن بكتير، تنزل الشارع 

فتلقي ناس نايمة علي الرصيف مش لقيه مكان تعيش فيه ..

عارف بقي كل ده اسمه ايه ؟؟! 

ده كله رسايل ربنا لينا .. ربنا بيسمع القلوب و انينها بيحس بيها ولانه دايما موجود و 

اقرب ليك من نفسك بيطبطب عليك و طبطبته دي في الحاجات اللي بتلقاها فجأة قدامك 

متعرفش جت منين في الاية اللي قرتها في المكالمة اللي جتلك في البوست اللي كتبه 

صحبك في حال الناس اللي حوليك .. انت مش لوحدك انت معاك اللي حاسس بيك من 

قبلك ركز دايما في رسايله و ردوده عليك هتلقي دايما رد علي اسألتك.