سميرة أحمد تكتب: نتحرم ليه مـ "السعادة"
هل فعلا في سعااده ؟!!
ماظنش ان في سعاده احنا جييل للأسف الحزن الصفه السايده فيه
احناا الجيل المكتئب
عايزين نعرف احنا مين ؟
احنا!! احنا مين ؟! احنا الجيل اللي مالوش حقوق احنا الجيل اللي اتولد في عصر الذل و الاهانه و كل ما نقول خلاص هنحس بالحرية بنحس اكتر بالظلم بالدكتاتوريه احنا اللي بنينا احلامنا على ورق بس بقلم رصاص و جت الريح زي الاستيكه مسحت كل الاحلام . احنا اللي عشنا نحلم بكليات ندخلها و بألقاب بكره الناس تندينا بيها و في الاخر ايه !! ولا اي حاجه احنا في بلد للاسف الحلم فيها ممنوع و الطموح ممنوع و صوتي ممنوع خايفه بعد كده الاقي نفسي ممنوع احنا اللي اتربينا على قمع الحريات احنا اللي يوم ما صوتنا بقى عالي اتمرمتنا في السجون و طلع عنينا احنا اللي مات مننا كتير و للأسف مكناش طالبين كتير ده احنا مات مننا اطفال كان كل ذنبهم انهم رايحين المدرسة يتعلموا و بسبب سواق و قطر راحوا احنا اللي مات مننا شباب كان كل ذنبهم انهم راحوا يشجعوا الفريق اللي بيحبوه احنا اللي مات مننا شباب بالمئات كان كل ذنبهم صوتهم كان عالي و سقف طموحهم كبير و نادوا و قالوا "حرية" تفتكروا جيل زينا مستنيين منه ايه جيل زينا اتعلم في المدرسة انه يحفظ ميفهمش و ان علمي زي ادبي كده كده في الاخر مش هيدخل الكلية اللي هو عايزها و حتى لو دخل الكليه اللي حببها في الاخر هيتخرج و يقعد جنب الحيط او يشتغل بس ساعتها مش هيشتغل بشهادته اللي طلع عينه عشان يخدها اهو هو ده حالنا عرفتوا دلوقتي احنا مين ؟!! احنا الجيل اللي دايما مظلومين ....
سميرة أحمد تكتب: نتحرم ليه مـ "السعادة"
Reviewed by Unknown
on
10:05 ص
Rating:
Reviewed by Unknown
on
10:05 ص
Rating:
%2B(1).jpg "ندى البرادعي تكتب: هدعيلك يارب!")
ليست هناك تعليقات: