كتب : عمر الشرنوبي

كتب : عمر الشرنوبي

اسم بعيد شوية بس اقرا ومتبقاش خروف ,,

التغيير شيئ جميل و مطلوب و ديه حاجة احنا متفقين عليها، بس التغير أنواع في تغير تطوري و تغير تأخري ، و طبيعي التطوري ده هو اللى مطلوب، مثلاً واحد كان بيصلي حاول يتغير بقى يصلي في الجامع و يصوم يومين في الأسبوع كده، غير لما يكون بيصلي و يقوم مبطل خالص ده تغير بس تأخري لانه كان بيعمل حاجة كويسة و فجأة بطلها انتا كده بترجع لورا مفيش تقدم حصل، و مثل تاني واحده كان بيضربوا بيها المثل في الاحترام و المثاليه بقيت واحده زي اي واحده لابسه حجاب زي ما يكون اتفرض عليها مش هي اللي مقتنعه ان ده هو سر جمالها، انا طبعا مليش حق احكم عليهم ولا اي حد بس والله انا مستغرب بس، ليه الناس بتعمل كده بيحاولوا يرضوا ميين او يقنعوا نفسهم ب ايه، و محدش يقولي الظروف الناس ديه انا اتعاملت معاهم و لو ظروف فعلا هم المفروض أذكياء انهم يطوروا من نفسهم مش يتاخروا كده، سؤال للناس ديه انتا كده فرقت ايه عن اللى حواليك،  بقيت واحد من القطيع زي الخرفان كلهم نفس الشكل نفس الكسل، انا بقول كده بس عشان الناس ديه مخها اكبر من كده و الكلام لينا كلنا بس لما تشوف حد مختلف و فجأة يبقى زي اللى حواليه،  انا طبعا معرفش حياة كل واحد بس اعرف ان ليه عقل يفكر بيه، و محدش يقول الشخصية ماشي طب و التفكير فيين؟!  فين مخه و شخصيته ديه  لما بقى نسخه من بقيت الناس اللي حواليه؟،  كل واحد عارف نفسه كويس.