سالي خالد تكتب: اللمه بتوجع من غيرك
أوقات بتحس انك وحدك في وسط لمة كبيرة .. وبالرغم من كل اللي حوليك برضو حاسس ان ملكش حد ..
اوقات اللمة بتوجع عشان في وسط اللمة دي مفيش شخص معين كان دايما موجود و فجأة مبقاش ..
اوقات الناس الكتير مبتغنيش عن شخص واحد بس عشان الشخص ده هو الدنيا عندك ..
الوحدة مش في الحياة من غير ناس الوحدة هي الحياة من
غير شخص هو كل الناس ..
اللي مشي و هو قاصد يمشي و اللي مشي غصب عنه و اللي راح عشان زهق واللي لقي بديل فاستغني و اللي نسي الايام الحلوة و اللي هان عليه كل شئ و اللي نيسي الوعود و اللي خدته الدنيا لعالم تاني .. لكل اللي راحوا مهما كانت الظروف البعيد عن العين صعب يبقي بعيد عن القلب لاكن لازم عشان يسيب مكانه للي يستاهله .. انت مش وحدك و اللي سابك هيجي اليوم اللي يعرف فيه قيمتك و حتي لو مجاش اليوم ده يبقي الخير ليه و ليك في البعد ..
الناس محطات بنمر بيها فكر كسبت ايه و خسرت ايه وهتلقي كل واحد ساب عليك علامة و في النهاية هتلقي واحد جه و ممشيش مهما كانت الظروف اهو ده نصيبك اللي هيفضل معاك اللي مكتوب علي الجبين و هترضي بيه و هينسيك كل اللي كانوا قبله وكله بأيد ربنا ملناش دخل فيه
سالي خالد تكتب: اللمه بتوجع من غيرك
Reviewed by Unknown
on
8:23 ص
Rating:
Reviewed by Unknown
on
8:23 ص
Rating:
%2B(1).jpg "ندى البرادعي تكتب: هدعيلك يارب!")
تحفة
ردحذف