سالي خالد تكتب: أنا جيت هنا ليه؟!
في اوقات بتيجي عليك بتسأل نفسك سؤال هو انا جيت الدنيا ليه .. !!؟
ايه لزمتي في الحياة طول ما انا عايش مش لاقي اي سبب لوجودي غير ايام بتنقص مني و بس مفيش جديد واللي بنام فيه بصحي فيه .. امنياتي مش بتتحقق واللي بحلم بيه عايشه في خيالي عشان مش قاعد اعيشه في الواقع ..
الناس كلها من حوليا عايشين ايامهم ليها طعم بتفوت الايام اه بس بعد ما عاشوها و لقوا اللي يسد الفراغ الكبير ..
انا كل يوم بقول بكرا يتغيير الحال اقول ان هيجي عليا يوم القاني بقيت اللي بتمناني أكونه .. لو علي الدعاء انا مش مبطل لو علي الصبر انا الصبر تعب مني لو علي الرضا والله ما في يوم اعترضت ..
اصل يفيد بايه تبقي عايش جوا قوقعه في فراغ كبير اوي خلاك بقيت عبارة عن عصفور محبوس في قفص فنسي انه ممكن يطير ..
قتلولي زمان ان كل واحد مننا مخلوق لغرض فقلت اكيد انا طالما جيت يبقي في حاجة هعملها جربت كتير بس برضو مفيش اي تغيير ..
كل اللي جت في باله كل الافكار دي وانا واحدة منهم صح جدا انك مخلوق لغرض يمكن انت لسه متعرفش ايه الغرض ده و مش معني انك جربت مرة ان خلاص مفيش فرصة تانية .. الدنيا صعبة اوي و مفيش حد جاي الدنيا دي عشان يتعذب بعدين يمشي الايام اللي بتمر في وجع دي ايام بتجهزك للي هيحصل قريب بتجهزك لفرج ربنا ..
الدنيا دار الشقاء عشان كده الصبر من عزم الامور ربنا وعدك لو صبرت و رضيت هيديك
و طالما وعد هيوفي مش مهم امتي المهم انه هيحصل انا عارفة انه كلام اتكرر كتير بس الكلام ده زي الشاحن اللي يديك طاقة تصبر بيها حبه كمان و اذا كان علي الفراغ و الوحدة و وجع الايام اللي بتروح فالعوض هينسيك كل ده و لو في حاجة في خيالك نفسك تعيشها حارب عشان تعيشها و هتوصلها عشان الحرب دي ناجحه ناجحه ..
اللي بيقول كن فيكون قادر انه يغير كل حاجة في لمح البصر خليك صابر لاخر لحظة عشان وقت ما تحقق احلامك هتعرف ان لو كنت سلمت للضعف و الاكتئاب مكنتش عمرك شفت تحقيق احلامك ..
يا احلامنا اتحققي بقي احنا في اشد الاحتياج ليكي..
سالي خالد تكتب: أنا جيت هنا ليه؟!
Reviewed by Unknown
on
1:56 م
Rating:
Reviewed by Unknown
on
1:56 م
Rating:
%2B(1).jpg "ندى البرادعي تكتب: هدعيلك يارب!")
طيب واللي عندو 28 سنه ولا بيشتغل ولا مخطوبه ولا متجوزه ولا بتحب واكيد ولا بتتحب عايشه بتاكل وبتشرب وتنام بس
ردحذف