سالي خالد تكتب: العﻻقات ياجماعة!

مش دايما العلاقات بتكون بين البني ادمين .. 
مش لازم صديقك يكون انسان زيه زيك .. 
الغريب انك ممكن تحس ان في حاجات تانية قريبة منك اوي لدرجة انك ممكن متحسش بالراحة الا معاها ..
و عشان متستغربش فكر كده شوية يعني مثلا محستش في وقت ان في فيلم حلو اوي و كل ما يجي لازم تقعد تشوفه .. بتحس انك مبسوط اوي وانت بتقضي وقت قدامه .. 
عمرك ما قريت كتاب و حاسيت انه بيخليك مبسوط بيخدك في عالم تاني و بتعيش معاه في دنيا تانية لدرجة انك ممكن تقراه اكتر من مرة و في كل مرة بتحس بنفس السعادة بنفس التشويق بنفس الارتياح ..
مسلسل كل ما يجي لازم تتابعه .. 
لعبة كانت بتعتك وانت صغير بس مش قادر تكبر عليها و مرفقاك في كل مراحل حياتك ..
حاجات كتير اوي ممكن نحس انها قريبة مننا اوي بالرغم من انها جماد مش ممكن  في يوم تتكلم بس فيها روح بتحس انها قريبة منك اكتر من البني ادمين حاجات زي قلم .. وردة .. كتاب .. فيلم .. مسلسل .. بلوزة .. جواها معاني كتيرة اوي قادرة تحسسنا بالراحة ..
ساعات كتير الجماد بيحس و بيبقي له روح انت بس اللي ممكن تشوفها في حاجات بترتبط بالذكريات وفي حاجات لشئ غريب متعرفوش ..
الغريب ان الحاجات دي بتخلينا نحس بالراحة ممكن تخرجنا من مزاج وحش ممكن تسد فراغ و وقت بيعدي تقيل علي قلبنا ..
و طول ما انت بتقرا الكلام ده بتبص حواليك هتلقي كذا حاجة معاك عزيزة اوي عليك و قريبة منك اكتر من ناس كتير لو عندك حاجة زي دي حافظ عليها اوي ..