إسحاق شهدي يكتب : العنوان : خليك أوضح!

خليك أوضح..  

في العلاقات : 

خليك أوضح من إن حد يفكر مرتين في مكانته عندك، و أكثر ذكاءا من إن حد مش واضح يدخل حياتك صراع مهين زي دا. 

خليك أوضح من إن حد يفكر مرتين في شئ انت قابله أو رافضه، و أذكي من إنك تدخل نقاش هدفه ظاهريا توضيح مبادئك الواضحة لحد عايز يحور عليك مش أكتر علشان يوصل لحاجة معينة!  

خليك أكبر من أي مساومة علي حق ليك. البني آدم لو حقوقه مش واضحة لغيره و متراعية في علاقاته خاصة القريبة، يبقي علاقاته دي مع ناس fake و صعب تضيف لحياته أي شئ ايجابي. 

خليك أنضج من إنك تفضل متمسك بعلاقات الصراع فيها سمة أكثر غالبية من الجمال و الاستمتاع، و الجدل فيها سمة أكثر غالبية من التفاهم. و أكثر حرصا إن العلاقات دي متنتهيش بصراع زي ما عاشت في صراع. 

النهايات في حياتنا كتير بتكون ضرورة و  مطلوبة، بس حلو انها ماتسبش ذكري سلبية. 

اعمل علي دا as much  as depends on you ... يعني علي أد ما تقدر و علي أد ما يعتمد عليك (فقط)،  لأن الطرف التاني بردو ليه جزء من القرار معاك في شكل النهاية!  
ممكن انت تتمناها حلوة، بس هو مايعوزهاش كدا . ف اقبل دا.